स्कुलमा सँगै पढेका पुल्चोके र रामपुरेको धेरै पछि एक दिन भेट भएछ ।
दुःखसुखका कुरा सकिएपछि पुल्चोकेले रामपुरेलाई सोधेछ, “तिमी त किसानलाई व्यवसायिक बनाउन चिया कफी खेतीको तालिम दिँदै हिड्छौ । आफै कृषि व्यवसाय किन सुरु गर्दैनौ?”
कुरो सहि थियो ।
रामपुरेले एकछिन सोचेर भनेछ, “तालिममा गफ दिए जस्तो काम गर्न सजिलो कहाँ हुन्छ र साथी”
आफू तल परेजस्तो फिल भएपछि रामपुरेले पुल्चोकेलाई सोधेछ, “तिमी पनि डिजाइन र नक्सा त खत्रा बनाउँदा र’छौ । डिजाइन अनुसार आफै निर्माण किन गर्दैनौ?”
पुलचोकेले नि एकछिन सोचेर जवाफ दिएछ, “कापीमा बनाउन जस्तो साँच्चिकै बनाउन कहाँ सजिलो हुन्छ र साथी”
यति सुनेर रामपुरेलाई सञ्चो लागेछ ।
